Додека Сингапур се подготвува за долгоочекуваниот историски состанок помеѓу американскиот претседател Доналд Трамп и севернокорејскиот лидер Ким Џонг Ун, во барот Хопхедс ќе се служи специјален коктел „Броменс“, направен од пиво, текила и диетална кока кола, ликер од ориз кој се смета за национален севернокорејски пијалак.
„Одлучивме да употребиме диетална Кока Кола, бидејќи тоа е омилениот пијалак на претседателот Трамп“, изјави Карло Ибанез за медиумите.
Коктелот содржи 150 милилитри темно пиво, 60 милилитри диетална Кока Кола и 20 милилитри текила.
„Броменс“ ќе се служи само во пар, така што двата коктели ќе чинат околу 15 долари, иако е малку веројатно дека Трамп ќе наздрави со Ким, бидејќи е познато дека тој не пие алкохолни пијалаци.
Во пабот Ескобар ќе се служат специјални пијалаци „Трамп“ и „Ким“.
„Трамп“ е син коктел со бурбон, а „Ким“ е црвен и секој од нив ќе се продава по цена од околу девет долари.
Американскиот претседател Доналд Трамп во петокот изјави дека повторно е во план да се одржи неговиот состанок со севернокорејскиот лидер Ким Џонг Ун на 12 јуни во Сингапур.
Откако се сретна со Ким Јонг Чол во Белата куќа, близок соработник до севернокорејскиот лидер Ким Џонг Ун, Трамп соопшти дека би направил грешка ако се откаже од самитот во Сингапур.
