Во вториот викенд на прикажување „Bad Boys for Life“ остана на врвот на бокс-офисот, со заработка од 34 милиони долари. На второто место е воената драма „1917“, со заработка од 15,8 милиони долари.
Акционата комедија со Вил Смит и Мартин Лоренс надмина заработка од 100 милиони долари на домашниот бокс-офис во САД и Канада. Воениот „1917“ исто така надмина сума од 100 милиони долари на домашниот бокс-офис и се најде на второто место. Режисерот Сем Мендес ја доби наградата за најдобра режија на DGA наградите, со што ја засили можноста за добивање Оскар.
На третото место се најде „Dolttle“, со заработка од 12,5 милиони долари. Премиерата на „The Gentlemen“ се најде на четвртото место на бокс-офисот со 11 милиони долари. На петтото место е „Jumanji: The Next Level“.
Хоророт „The Turning“ имаше разочарувачко премиерно прикажување со заработка од 7,3 милиони долари и доби лоши критики. Се најде на шестото место на листата најгледани филмови во Северна Америка.
Ова е целосната листа:
1. Bad Boys for Life – 34 милиони долари
2. 1917 – 15,8
3. Dolittle – 12,5
4. The Gentlemen – 11
5. Jumanji: The Next Level – 7,9
6. The Turning – 7,3
7. Star Wars: Episode IX – The Rise of Skywalker – 5,1
8. Little Women – 4,7
9. Just Mercy – 4
10. Knives Out – 3,6 милиони долари.