Една од најпопуларните теории на заговор во светот на музиката е онаа за раперот Тупак Шакур и неговото „лажирање на сопствената смрт“.
Рик Бос, режисер од Лос Анџелес, е убеден дека раперот е уште жив. Сега работи на тоа да ја спакува целата приказна во филм.
Тупак почина на 7 септември, 1996 година во Лас Вегас, откако беше застрелан четири пати. Оттогаш не престануваат теориите на заговор околу тоа дали навистина е мртов.
Можеби една од најшокантните информации објавени досега е тврдењето на поранешниот телохранител на Тупак кој изјави дека му помогнал на раперот на да лажира неговата смрт и да побегне на Куба.
Луѓе од секаде низ светот во изминативе 23 години пријавувале дека го виделе раперот жив или дека имаат детали за неговата смрт.
Сето ова го поттикнало Бос да сними филм на оваа тема. Тој најави дека филмот ќе се вика „2Pac: The Great Escape From UMC“.
„Во филмот ќе видиме како Тупак заминува од Вегас и продолжува да живее во Ново Мексико. Можев и да напишам приказна, ама ова не е фикција. Ова се факти од проверени извори“, тврди Бос.
Меѓутоа, актерот кој ќе го игра славниот рапер, Ричард Гарсија, не го дели неговото мислење. Напротив, тој истакнува дека верува дека Тупак загинал во септември, 1996 година.