Несигурните жени немаат едноставен живот, посебно кога се во врска, а уште помалку едноставен живот немаат ни нивните мажи.
Несигурноста во некои ситуации може да делува слатко и симпатично, но претежно е само иритантна маана поради која и најзагреаниот маж може да се олади. Овие работи им ја креваат косата на повеќето мажи, а сè произлегува од несигурноста.
Копање по мобилниот
Неговиот мобилен е негов мобилен, како што неговиот профил на друштвените мрежи е негов профил, а доколку во некој момент помислиш да копаш по нив, размисли уште еднаш. Мажите не поднесуваат жени кои им копаат по мобилниот - не затоа што имаат нешто што да кријат, туку затоа што е нарушување на приватноста. Башка е идиотски, простачки и психопатски.
Неоправдана љубомора
Љубомората може да биде слатка во мали и умерени дози, но љубоморните жени ретко знаат да ја дозираат својата љубомора. Стануваат посесивни и параноични, а тоа е одвратно во машките очи.
Нетрпеливост кон другите жени
Секоја жена има некоја жена која и оди на нерви, дури и доколку тоа не е целосно оправдано, но жена која е алергична на секоја припадничка на понежниот пол која е во близина на нејзиниот партнер станува антипатична. Жените кои се сигурни во себе не се плашат од други жени, ниту ги мразат без причина.
