Синоќа на социјалната мрежа Х по повод големата победа на професорката Гордана Силјановска-Давкова на претседателските избори, се огласи и претседателот на Република Украина, Володимир Зеленски.
Во неговата честитка упатена до професорката Силјановска на англиски и на украински јазик, стои:
„Честитки до Гордана Силјановска-Давкова за нејзината убедлива изборна победа. Ѝ посакувам успешен и плоден мандат. Го цениме нашето силно партнерство и ја цениме поддршката на Скопје за Украина во борбата против руската агресија. Со задоволство очекувам да ја зајакнеме нашата билатерална соработка со цел да ги вратиме мирот и стабилноста во нашата обединета Европа“.
Професорката Гордана Силјановска-Давкова се заблагодари на честитката на украински, македонски и на англиски јазик истакнувајќи го следново:
„Почитуван претседателе Зеленски, денеска кога го славиме Денот на Европа исто така се потсетуваме дека судбината на украинската нација е под закана. Ние ја поддржуваме Украина и ја нудиме солидарноста на сите македонски граѓански за постигнување на праведен мир и вистинска долгорочна безбедност. Ниту една европска нација, која ги споделува и брани заедничките европски вредности, не смее да биде изоставена од европското единство. Очекувам дополнително да ја зајакнеме билатералната соработка и се надевам на брз прием на нашите две земји во ЕУ“.
Dear President Zelenskyy (@ZelenskyyUa),
— Гордана Силјановска Давкова (@gogamkd) May 9, 2024
Today, as we celebrate Europe Day 🇪🇺, we also remember that the fate of the Ukrainian nation is threatened. We stand by Ukraine 🇺🇦 and offer solidarity of all Macedonian 🇲🇰 citizens in bringing just peace and true long-term security closer
