Олимпијците на Замбија се единствен пример во историјата кои на Олимпијада отишле како една држава, а се вратиле како друга и со ново знаме.
Во 1964 година Летните олимписки игра се одржуваа во Токио, Јапонија. Токму на 24 октомври беше церемонијата на затворањето, а помеѓу учесниците нешто недостасуваше.
На церемонијата на отворањето на 10 октомври продефилираа и 12 натпреварувачи (11 мажи и 1 жена) на Северна Родезија, британски протекторат во Африка.
На затворањето ја немаше Северна Родезија и нејзиното знаме, а наместо неа се појави Замбија. Токму истиот ден Замбија прогласи независност од протекторатот и стана самостојна држава.
Таа досега е единствениот пример на земја која ги отворила Олимписките игри под едно име и знаме, а ги затворила под друго име и ново знаме.
