Наука

За првпат успешно телепортиран објект во вселената

10. септември 2019 - 10:55 | Ф.З.

Научниците успеаја за првпат успешно да телепортираат објект од Земјата во вселената отворајќи пат за далеку поамбициозни идни откритија кога станува збор за телепортацијата.

Сѐ почнува од почеток, од малку. Така и научниците во Кина успеаја да испратат фотон од Земјата до сателит кој орбитира во вселената. Процесот наречен квантен заплет го пренесе фотонот дури 500 километри подалеку од местото на кое започна експериментот.

Цел месец кинеските научници пренесувале милиони фотони од нивната станица на Тибет до сателитот во вселената. Успешно телепортирале повеќе од 900.

„Овај проект го поставува првиот линк земја-сателит, есенцијален за идна квантна телепортација на далечни растојанија“, изјавил претставник на тимот за списанието MIT Technology Review.

Квантен заплет претставува необичен феномен кој се појавува кога два квантни објекта, како што се фотоните, формираат иста појава и точка во просторот и го делат истото постоење. Ве техничка смисла, тие се дефинирани од иста бранова функција.

Ова доаѓа откако пред скоро година дена група физичари успешно направија квантна телепортација надвор од лабораторија. Со тоа научниците докажаа дека квантна телепортација, која е футуристичка алатка во научно-фантастичните филмови, навистина е возможна.