Украинската армија, поточно војниците на 255-тиот јуришен баталјон, кој се бори на источниот фронт, објави снимки од уништениот украински град Часив Јар, кој руските сили го напаѓаат со месеци и се обидуваат да го освојат.
Снимките од дрон покажуваат речиси и да нема неоштетени згради. Во близина на куќите има кратери од руски гранати и ракети, како и паднати дрвја. На видеото се гледа црквата и игралиштето кои беа уништени во руските напади.
На периферијата се крева чад.
Часив Јар е град во Бахмутскиот реон во Донечката област и се наоѓа 10 километри западно од разрушениот Бахмут. Пред војната имаше 12.250 жители, а денес се претпоставува дека има само околу илјада.