Поп иконата од 80-тите, Саманта Фокс, е уапсена поради непристојно однесување во авион.
Како што пренесуваат американските медиуми, 57-годишната пејачка ја поминала ноќта во затвор по пијана расправија што се случила во авион на British Airways, кој требало да тргне кон Минхен.
Според извори кои биле присутни, авионот бил подготвен за полетување од Лондон, но летот бил откажан поради инцидентот предизвикан од Саманта Фокс. Патниците морале да излезат од авионот и добиле сместување во еден од лондонските хотели. Следниот ден го продолжиле патувањето.
Полицијата информира дека била уапсена под сомнение дека била пијана во авионот и дека потоа била пуштена со кауција. Подоцна пејачката се огласи, велејќи дека ѝ е многу жал за непријатностите што им ги направила на другите.
Инаку, Фокс минуваше низ тежок период минатиот март, кога нејзината сестра Ванеса ненадејно почина од срцев удар на 50-годишна возраст. Претходно, таа изјави дека имала многу блиски односи со нејзината сестра, која еднаш ја спасила од нејзиниот татко алкохоличар.