Скопје, 25 октомври 2019 (МИА) – Времето во земјава ќе биде сончево, утрото свежо, а во текот на денот топло со слаб ветер претежно од источен правец.
Минималната температура ќе се спушти меѓу 0 и 7, а максималната ќе достигне од 22 до 29 степени.
Во Скопје ќе биде сончево. Утринската температура ќе достигне до 5 степени, а дневната температура до 26 степени.
До вторник ќе се задржи сончево време со натпросечни дневни температури за овој период од годината. Промена на временската состојба со наоблачување и намалување на дневната температура се очекува од среда.
