Како би изгледал новиот iPhone доколку Apple наместо да го дизајнира како нов, иновативен уред, го „позајми“ изгледот на легендарниот Macintosh или пак iMac G3?
Барем на прв поглед, 3D рендерите од ваквиот уред ни даваат приказ на визуелно атрактивен телефон инспириран од ретро дизајните на познатите компјутери на Apple, кои се појавија во средината на 80-тите години од минатиот век.
Зад интересните рендери стои дизајнерот FuturePunk, кој сакаше да прикаже колку се изменил начинот на дизајнирање на Apple низ годините. Оваа недела тој покажа неколку нови дизајни, инспирирани од ретро компјутерите и носталгијата за уреди како култниот, заоблен iMac G3.
Иако би било апсолутно непрактивчно да имате телефон кој изгледа како ретро компјутерите на Apple во 2019 година, мора да се признае дека има некоја посебна привлечност во модел базиран на iMac G3, посебно во препознатливата „Bondi“ сина боја.
Овие модели никогаш нема да се најдат во продажба, но можете да уживате во нив преку рендерите и видеото кое го обезбеди FuturePunk.