Фит

Шест најчести грешки што ги правите кога билдате мускули

4. ноември 2019 - 14:38 | М.С.

Дали се запрашувате зошто немате напредок во вежбањето? Иако ги следите сите насоки, мускулите стагнираат и не се развиваат. Ако одговорот е да, тогаш веројатно правите грешки во тренингот и начинот на исхрана.

Ова се некои од можните грешки:

Секогаш имате ист број на повторувања

Иако се зборува за тоа колку повторувања треба да имате за вежбите со тегови, се верува дека оптималното повторување е од 5 до 8 повторувања.

Повремено покачувајте го бројот на повторувања, особено ако веќе не сте почетник. Одржувајте растојание помеѓу бројот на покачувања. Првата недела, додате 2-3 повторувања повеќе. Наредните недели, зголемете го бројот на 3-4 повторувања. 

Постепено ќе стигнете до бројка од 6 до 8 повторувања, за да крајната цел  ви биде 12 до 15 повторувања.

Премногу вежбате

Со прекумерното вежбање правите повеќе штета отколку корист. Кога целта ви е да изградите мускули, мора да јадете и да не се грижите за вишокот маснотии во организмот. Подобро избегнувајте го кардио-тренингот затоа што губите калории кои ви се потребни за да нaбилдате мускули.

Не јадете правилно

Повеќето луѓе кои се обидуваат да набилдаат мускули, мислат дека треба да јадат само протеини. Иако е вистина дека протеините се важни затоа што содржат аминокиселини кои ги градат мускулите, не се препорачува да избегнувате внес на јаглехидрати и масти. Јаглехидратите даваат енергија на телото која е потребна за да се зголеми мускулната маса, додека мастите се одговорни за тестостерон и останатите хормони кои се поврзани со растот.

Не јадете доволно

Кога се обидувате да изградите мускули, мора да јадете повеќе, за да добиете енергија потребна за нивниот развој, па затоа три оброци можеби не се доволни. Јадете пет до шест пати дневно за да внесете повеќе калории.

Избегнувате интензивен тренинг со тегови

Човечкото тело е дизајнирано да заштедува енергија за да не бидете гладни. Како разултат на тоа, телото природно не сака да направи мускули. Тренингот со тегови е многу важен за да телото изгради мускулна маса.

Нередовност

Нередовноста е најголемата грешка која може да ја направите и така да го уништите целиот напредок што сте го постигнале. Доколку не сте редовни, ќе ги изгубите мускулите наместо да ги надоградувате.