Шекеринска: После години стагнација пред вратите на НАТО, сега сме на своето заслужено место

- По состанокот на лидерите на земјите – членки на НАТО во Лондон, може со гордост, со крената глава, да кажеме успеавме! Горди сме на успехот на државата и благодарни за поддршката, ова е заеднички успех на сите наши граѓани. Секој наш сограѓани, секој Македонец, Албанец, Турчин, Ром, Србин, Влав, Бошњак… има чувство на победа и има причина да биде горд. После години стагнација пред вратите на НАТО, сега сме свои на своето заслужено место во најмоќниот сојуз, истакна денеска на прес-конференција заменик – претседателот на СДСМ, Радмила Шекеринска.

Нашето место, посочи, е онаму каде што беше и нашето знаме, меѓу насилните, најмоќните, најбогатите демократски земји во светот.

– Со учеството на Самитот на НАТО, нашата татковина ја потврди определбата за целосно споделување на принципите за заедничка безбедност и за градење силни трансатлантски односи со најмоќниот воен и политички сојуз заснован на демократски вредности. Обезбедивме цврсти граници за безбедна иднина на нашите деца, за сите наши граѓани!

Процесот на ратификација на Протоколот за пристапување е на самиот крај, останува само уште Шпанија. Веќе е извесно дека влегуваме во безбедносен штит на најмоќниот воен сојуз во светот. Трајно ќе ги заштитиме нашите граници и територија и стануваме фактор за стабилност во регионот, рече Шекеринска.

Таа потенцира дека НАТО не носи придобивки само за безбедноста и стабилноста, туку и за економијата и развојот на целокупното општество. Членството во Алијансата носи нови и големи странски инвестиции во економијата, инвестиции кои отвораат нови работни места и поттикнуваат раст на платите и извозот.

– Економските придобивки се веќе видливи. Откако се откочија интеграциите и стана извесно дека сме на прав пат и дека стануваме членка на НАТО, сумата на странски инвестиции значително порасна. Во периодот од јули 2013 – јуни 2015, има 457 милиони евра странски директни инвестиции.

Во периодот од јули 2017 – јуни 2019, има 741 милиони евра странски директни инвестиции. Тоа се 300 милиони евра повеќе сега, со СДСМ, отколку во време на ВМРО-ДПМНЕ. Ваквиот тренд на раст на странските инвестиции но и севкупен раст на економијата очекувано е дополнително да се засили откако и официјално ќе пристапиме како 30 земја – членка на Алијансата, рече Шекеринска.

Нагласи дека со членството во НАТО се создава можност компаниите од нашата земја да учествуваат во тендерски постапки за потребите на НАТО алијансата. Се работи, посочи, за пристап до значителен буџет, што се мери во милијарди евра, а тоа ќе биде дополнителен ветер во грб за нашите компании.

– Политиките и храбрите чекори што ги презедовме како одговорна и државотворна партија даваа резултати. Ако го погледнете резултатот на новиот Индекс за глобален мир ќе видите дека нашата држава, навистина, и во очите на оние што објективно ја анализираат, бележи сериозен напредок по прашањето на мир и стабилност. Ако во 2017 година сме рангирани на 103 место со Руанда и Јордан, две години по ред нашата земја е земја со најголем напредок на оваа листа на Индекс на мир и стабилност.

Во првата година го подобривме својот рејтинг за 15 места, а во последната година за 23 места, и од 103 место, денес сме на 65 место. Единствена држава што за толку краток период бележиме толку брз раст, истакна Шекеринска.

Од изолирана и поделена земја, со кревка економија, потенцира, денес сме држава со конкурентна економија, сојузник со демократскиот свет.

– И не застануваме тука. Преку конкретни мерки и политики продолжуваме да работиме на остварување на зацртаните цели кои носат придобивки за државата, за економијата, за граѓаните, за сегашните но и за идните генерации. На прав пат сме. Ги остваруваме стратешките интереси, градиме иднина во НАТО и ЕУ, додаде Шекеринска.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Како е поврзано пиењето кафе со ракот на дебело црево?

Read more

Во која храна ги има трите минерали најважни за тироидната жлезда?

Read more

Македонија

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Read more

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Read more

Почна реконструкцијата на стариот пешачки мост на Вардар

Read more

Приватните специјализанти на протест пред Министерството за здравство

Read more
 

Вести

Синоним за престиж – Шпаркасе Банка ја претстави новата дебитна картичка Visa Platinum

Читај повеќе

Странските компании загубија 107 милијарди долари со повлекувањето од Русија

Читај повеќе

Пет сценарија како Франција може да се вмеша во војната во Украина

Читај повеќе

Трет ден се трага по Данка, се проверуваат телефоните на родителите

Читај повеќе

Раст на Волстрит по три дена пад

Читај повеќе

Путин: Обвинувањата дека Русија ќе ја нападне Европа по Украина се глупост

Читај повеќе

Италија има план како да ја сотре мафијата – Коза ностра прва на нишан

Читај повеќе

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Читај повеќе

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Читај повеќе