Сексуалните фантазии уште се табу тема, иако сексуалната револуција почна многу, многу одамна.
Социјалниот психолог Џастин Лемилер, автор на книгата „Кажи ми што сакаш: Наука за сексуалната желба и како може да ти помогне да го подобриш својот сексуален живот“ тврди дека сексуалните фантазии се сосема здрава работа и дека партнерите треба да си ги споделуваат и по можност, да ги реализираат своите фантазии.
Лемилер спроведе истражување во кое опфати повеќе од 4.000 испитаници кои одговараа на разни прашања во врска со нивната личност, како и интимниот живот, вклучувајќи ги и сексуалните фантазии.
Иинтересен пподаток од резултатите е дека дури 97% од испитаниците се изјасниле дека имаат бројни и чести сексуални фантазии.
Ова се најчестите кои исто така се заеднички и за мажите и за жените:
Секс со повеќе луѓе
Ова е една од оние фантазии кои луѓето се плашат да ги изговорат на глас, особено пред партнерот. Најчесто се фантазии за секс во тројка – со актуелниот партнер, со непознати лица, со поранешни партнери – како и фантазии за свингерство и оргии.
Контрола
Без разлика дали сакаат да ја имаат контролата, или да бидат потчинети, и мажите и жените често фантазираат за овие улоги, особено ако претежно се однесуваат спротивно како сексуални „играчи“.
Желба за промена
Многу честа фантазија е забавата да се пресели од спалната соба на друга локација, а кога станува збор за секс фантазија со промена, тука спаѓаат и експериментирањата со нови пози и секс играчки.
„Забрането овошје“
И мажите и жените често фантазираат за секс со личност со која не би смееле да бидат интимни – блиски пријатели на партнерите, шефот или колега/колешка на работа. Исто така честа секс фантазија е водење љубов на забрането место, најчесто во јавност.
Фетиши
Лемилер со жалење констатира дека една од најчестите сексуални фантазии на луѓето е всушност реализирање на нивните фетиши. Сексуалните фетиши уште се големо табу и многу луѓе не им се доверуваат за овие специфични сексуални желби на своите партнери и тие остануваат само во доменот на фантазијата.
