Живот

Ричард Гир и сопругата го очекуваат нивното второ дете

6. ноември 2019 - 15:29 | Б.С.Б.

На 71 година славниот актер Ричард Гир повторно ќе стане татко, заедно со 34 години помладата сопруга го очекуваат нивното второ дете, пренесуваат шпанските медиуми.

Холивудскиот актер Ричард Гир и неговата 34 години помлада сопруга Алехандра Силва го очекуваат второто дете. Веста за принова стигнува по само девет месеци од раѓањето на нивниот син, а изгледа дека славниот актер не губи време во чекање, на пролет тој ќе стане повторно татко.

Гир и Силва ја започнаа врската додека актерот беше во брак со Кери Ловел. Алехандра од првиот брак има седумгодишен син, додека Гир со поранешната сопруга има 18-годишен син.

Парот го доби првото заедничко дете во февруари, а со бебето не се појавуваа во јавност. Папараците успеаја да ги фотографираат на летен одмор во Шпанија.

Додека веста за првата бременост Алехандра ја објави на социјалните мрежи, веста за втората бременост сè уште ја немаат потврдено официјално.