Тиквички со сирење и сусам, одличен летен ручек кој брзо се подготвува.
Потребни состојки:
-3 помали тиквички
-200 г крем сирење
-2 лажички препечен сусам
-3 чешни лук
-црвена пиперка
-сечен магданос
-сол, сув зачин
Начин на подготовка:
Тиквичките измијте ги добро, па преполовете ги по должина извадете ја средината ги. Сусамот препечете го во тава без масло.
Во подлабок сад измешајте ги крем сирењето, сусамот, пиперката, лукот, магдоносот и зачините, па со мала лажичка полнете ги тиквичките.
Плехот обложете го со хартија за печење, попрскајте со маслиново масло и наредете ги тиквичките.
Печете на 180 степени додека тиквичките не поруменат, околу 15 до 20 минути.
