Сите љубители на бело месо и карфиол ќе бидат воодушевени од овој едноставен рецепт.
Доколку сакате да направите вкусен ручек со месо, но и да вклучите зеленчук, тогаш ви го препорачуваме овој рецепт. Направете бело месо печено со карфиол што ќе го сака целото семејство. Можете да го послужите со парче леб или сезонска салата.
Потребни состојки:
- 500 гр пилешко филе
- 1 карфиол
- 2 јајца
- 1 китка млад кромид
- грст беби спанаќ
- 2 домата
- 200 гр кашкавал
- 1 лажица мајонез
- масло
- сол
- бибер
Подготовка:
Карфиолот исчистете го и исечете го на кришки, а потоа кратко проврете го во зовриена вода. Доволно е да го оставите само неколку минути, околу 5-7. Карфиолот процедете го, па зачинете го, а потоа наредете го во тавче обложено со хартија за печење подмачкана со масло. Прелијте со изматените јајца кои сте ги посолиле и побибериле.
Исечете го месото на тенки парчиња, а потоа посолете го и побиберете го. Ставете го белото месо во сад и додадете му ги мајонезот и сечканиот спанаќ. Сè убаво соединете со раце, па наредете преку карфиолот.
Одозгора наредете сечкани домати и млад кромид, па над сѐ посипете рендан кашкавал.
Печете во загреана рерна на 180°C околу половина час.