Барселона синоќа славеше на гостувањето кај Интер со 2:1, а еден играч од каталонскиот тим не беше среќен по натпреварот кој се одигра на „Меаца“.
Френки де Јонг ова лето пристигна во редовите на Барселона од амстердамскиот клуб Ајакс.
Тој по натпреварот дозна дека неговата поранешна екипа е поразена на домашен терен од Валенсија и дека на пролет нема да игра во Лигата на шампиони.
Де Јонг гледаше во семафорот на стадионот „Меаца“ и кога виде дека Ајакс е поразен направи болна гримаса на лицето.
Френки де Јонг во Ајакс пристигна од Вилем II во 2015 година, а минатата сезона во ЛШ беше еден од најдобрите фудбалери на амстердамскиот клуб.
