Сообраќајните проблеми во Франција продолжуваат и денеска откако вчера, на четвртиот ден од штрајкот на вработените во железницата, повеќето француски возови останаа во станиците.
Штрајкот на француските железници РАТП и париските железници СНЦФ, затвори 14 линии на метрото, со само две линии кои работат на автоматски возови без возачи.
Според француските медиуми, денеска се очекува да биде исклучително тешко.
СНЦФ ги советуваше корисниците да ги избегнуваат станиците поради безбедносни причини и потенцијалот за голем метеж.
Сообраќајот на брзите метро линии во Париз, исто така, ќе биде нарушен бидејќи 10 од 16-те линии ќе останат затворени, објави француската радио станица France Info.
За да се избегнат поголемите застои, на обичните возила ќе им се овозможи да користат жолти ленти резервирани за градски сообраќај и такси.
СНЦФ и РАТП штрајкуваат поради реформите во пензискиот систем што ги најави францускиот претседател Емануел Макрон.
Железничките синдикати, кои веруваат дека реформата предложена од Макрон нуди послаби услови за пензија и присилува одредени категории да работат подолго.
Тие изјавија дека се подготвени да го продолжат штрајкот до католичкиот Божиќ.
