Калабриската мафија позната како Ндрангета се обидува да изнуди пари од семејството на легендарниот италијански ас Џенаро Гатузо, кој поради тоа планира дури и да се исели од земјата, пишува италијанскиот весник Il Messaggero.
Сè започнало кога италијански експерт планирал да постави фотоволтаични панели на земјиште во сопственост на неговиот татко. За овој проект добил средства од 80.000 евра. Гангстерите не губеле време и ги понудиле своите „заштитни“ услуги барајќи такса од 3.000 евра.
Кога предлогот бил одбиен од популарниот Рино, криминалците почнале да вршат притисок врз таткото на Гатузо и двапати го запалиле автомобилот на неговата ќерка Ида (сестрата на Џенаро), во октомври и декември 2023 година.
После тоа семејството поднело пријава во полиција. Во истрагата која е во тек се приведени две лица.
Во текот на постапката, беше откриено дека Џенаро исто така бил принуден да се вклучи. Тој се согласил со барањата на мафијата со тоа што преку пријател на 10 јануари платил 3.000 евра, па дури размислува и за преселување на семејството од Италија на побезбедно место.
Џенаро е родум од Кориљано Калабро, гратче близу Козенца во провинцијата Калабрија во Јужна Италија.
Моментално е тренер на Олимпик Марсеј, а најголема трага остави во редовите на славниот калчолигаш Милан со кој двапати ја освои Лигата на шампионите и исто толку пати Скудетото.
Со италијанската репрезентација успеа да ја освои титулата светски првак на Мундијалот 2006 во Германија.
