Фронтменот на американскиот бенд „Guns N' Roses“, Ексл Роуз (61), ќе се појави на суд за наводен сексуален напад на поранешната манекенка на Penthouse, Шајла Кенеди, пред 34 години. Таа тврди дека тој ја „влечел како пештерски човек и ја малтретирал, објави TMZ.
Кенеди поднела тужба против Роуз, тврдејќи дека ја врзал и имал секс со неа за време на забава во 1989 година.
Според документите до кои дојде TMZ, Кенеди изјавила дека го запознала Ексл во клуб во Њујорк во февруари 1989 година и отишла на приватна забава во неговиот хотелски апартман, каде што, како што тврди таа, имало еден куп луѓе кои се дрогирале.
Понатаму се тврди дека Роуз продолжил да ѝ се додворува, што на почетокот ѝ било прифатливо, сѐ додека собата не се испразнила.
Кенеди истакнува дека видела дека Роуз има „агресивна сексуална врска“ со друга манекенка пред таа да отиде во друга соба со неговиот пријател, а потоа „работите се влошиле“.
Како што тврди, Роуз ја влечел во кревет за коса, ѝ ги врзал рацете со гаќички и сексуално ја нападнал.
Кенеди рече дека никогаш не се согласила на секс.
После тоа рекла дека излегла во шок, а потоа следела анксиозност и депресија, пренесува Танјуг.
Таа тврди дека љубовниот живот ѝ бил нарушен и сега бара отштета.
