Пред точно 25 години, Бритни Спирс ја објави песната ...Baby One More Time, која владееше со музичките топ листи.
Во тоа време 16-годишната Бритни беше во средно училиште и единствена желба ѝ беше да го напушти местото каде што живее. По неочекуваниот успех на песната, желбата ѝ се исполни бидејќи преку ноќ стана најголемата поп ѕвезда во светот.
Песната е создадена од продуцентот Макс Мартин, со кого Бритни подоцна соработувала, но песната не била наменета за младата Бритни. Имено, Мартин ја замислил песната за познатата женска група TLC. Девојките од групата одбиле да ја снимат песната, а Мартин потоа ја испратил песната до издавачката куќа Jive Records, со која Бритни потпишала договор.
Но, имаше проблем. Имено, оригиналното име на песната е Hit Me Baby One More Time, а дискографската куќа се загрижила дека публиката може да помисли дека песната е за насилство. Тие дошле до решение и го тргнале „Hit Me“ од насловот, но не го смениле текстот на песната. Фразата „hit me (up)“ се толкува како „јави ми се“.
Бритни отпатува во Стокхолм во март 1998 година за да го сними вокалниот дел од песната. Првиот ден од снимањето поминал неславно бидејќи имала трема, но при вториот обид одлично го снимила вокалот.
„Знаев дека е одлична песна. Беше поинаква и ми се допадна", изјавила пејачката еднаш, а со неа се согласиле милиони луѓе ширум светот, како и музички критичари.
Списанието Rolling Stone тогаш објави дека песната е меѓу најдобрите поп песни на радио во последната деценија, додека Entertainment Weekly ја опиша песната како „кенди поп со фанки ритам“. Песната го зазеде првото место на листата Billboard Hot 100 и таму остана две недели, но спотот за песната се пушташе дење и ноќе на тогаш мегапопуларната MTV.
Инаку, Бритни одлично го дизајнираше видеото, со помош на режисерот Најџел Дик, кој претходно работеше со Guns N' Roses и Oasis. Режисерот еднаш објасни како издавачката куќа ја отфрлила неговата оригинална идеја и ѝ дозволила на Бритни да ја избере облеката за видеото.
Спотот е снимен во август 1998 година во средното училиште во Венис и многу влијаеше на популарноста на песната, која сега е еден од најслушаните поп хитови во светот.
И покрај големата слава, нејзиниот турбулентен приватен живот го привлекува вниманието на јавноста веќе две децении. Пејачката ја шокираше јавноста со бројни ексцеси, како оној кога ја избричи главата, а во последно време предизвикува загриженост кај фановите со своите бизарни видеа.
За два дена паднатата ѕвезда ќе ги објави своите мемоари „Жената во мене“ во кои отворено зборува за својот живот. Таа во своите мемоари откри, меѓу другото, дека забременила за време на врската со Џастин Тимберлејк, но абортирала.
Таа во своите мемоари се осврна и на врската со татко ѝ Џејми Спирс, кој го имаше конзерваторство над неа до пред две години. Во мемоарите, таа тврди дека татко ѝ „се опивал до бесвест“ и ја понижувал и ѝ наредил да работи против нејзината волја додека била под негово 13-годишно конзерваторство, кое заврши во ноември 2021 година.
