Лос Анџелес, 8 ноември 2019 (МИА) – Најразорниот пожар оваа година во Калифорнија, што уништи површина од 310 квадратни километри во округот Сонома и голем број домаќинства, официјално е прогласен за изгаснат, две недели по избувнувањето.
Пожарот наречен Кинкејд, изгоре третина од 101.000 хектари колку што изгореа во Калифорнија од јануари.
Повеќе од 400 објекти беа оштетени или уништени во Сонома округот, или повеќе од половина од уништените објекти од сите пожари оваа година, според Калифорнискиот оддел за шуми и заштита од пожари.
Во историјата на Калифорнија, големите пожари од 2017 и 2018 година беа најсмртоносни и направија најголема штета.
За време на тие две години, речиси 150 луѓе загинаа, меѓу кои 85 во пожар во северниот град Рајот пред една година и се води како пожар со најмногу жртви во таа држава.
Билансот за 2019 година е изгорени 101.000 хектари и е далеку под 485.000 хектари и 647.000 хектари во 2017 и 2018 година.
