Во најинтересниот натпревар одигран ноќеска, Феникс Санс на домашен паркет го совлада Голден Стејт Вориорс со 130:119, со неверојатни 50 поени на Стивен Кари.
Санс водеа во текот на целиот натпревар, а на крајот остварија сигурен триумф и покрај неверојатната игра на Кари кој постигна 50 поени со 9 скока и 6 асистенции.
До победата Камерон Пејн ги предводеше домашните со 29, Девин Букер со 27 и Микал Бриџис со 23 поени.
Бостон Селтикс ја запиша осмата последователна победа, а ја совлада Атланта Хокс со 126:101.
Џејлен Браун уфрли 22 поена, додека Селтикс имаа дури седуммина играчи кои остварија двоцифрен ефект. Џејсон Тејтум постигна 19, Грент Вилиамс 18, Дерик Вајт 16, Сем Хаузер и Лук Корнет по 15, а Пејтон Причард 14 поени.
Кевин Портер имаше дабл-дабл учинок постигнувајќи 17 поени со 11 скокови и 8 асистенции, а последнопласираните Хјустон Рокитс го искористија отсуството на Лука Дончиќ за да го победат Далас Маверикс со 101:92
Дончиќ одмараше откако одигра 40 минути во победата над Лос Анџелес Клиперс, што Рокитс знаеја како да го искористат.
Џулиус Рендл постигна рекордни 34 поени во сезона, а Њујорк Никс го искористија отсуството на Никола Јокиќ и го победија Денвер Нагетс прв пат по 16 години.
Беше тесно, 106:103, а двократниот МВП Јокиќ во вторникот беше ставен во ковид-протокол. Џамал Мареј постигна 21 поен за Денвер, но со голем број на промашени шутеви.
Резултати:
Шарлот Хорнетс - Индијана Пејсерс 113:125
Орландо Меџик - Минесота Тимбервулвс 108:126
Вашингтон Визардс - Оклахома Сити Тандер 120:121
Атлант Хокс - Бостон Селтикс 101:126
Торонто Репторс - Мајами Хит 112:104
Милвоки Бакс - Кливленд Кавалирс 113:98
Њу Орлеанс Пеликанс - Чикаго Булс 124:110
Далас Маверикс - Хјустон Рокитс 92:101
Денвер Нагетс - Њујорк Никс 103:106
Феникс Санс - Голден Стејт Вориорс 130:119
Табела:
