Нема кој не јаде пилешко, а сите генерации ќе го обожаваат пилешкото подготвено на овој начин. Успева дури и кај почетници.
Можете да подготвите пилешко на милион начини. Можете да го печете на скара, да го испржите, да го сварите... Како и да одлучите да го подготвите, ќе биде вкусно, а ви предлагаме да го пробате овој рецепт за пилешко. Се подготвува брзо, а посебен вкус му дава сосот направен од ароматични зачини. Можете да послужите со пире од компири или со сезонска салата.
- 2 пилешки стека
- 2 лажици брашно
- 2 лажици маслиново масло
- 1 чешне лук
- 1 шалот (вид на кромид)
- ½ китка магдонос
- 1 лажичка сув естрагон
- грст власец
- ½ чаша бело вино
- 1 чаша пилешки булјон
- 1 лажичка сенф (по можност Дижон)
- 3 лажици путер
- сол
- бибер
Исечете ги стековите на две шницли, а потоа исечети ги на половина така што од еден стек ќе добиете 4 парчиња со приближно еднаква дебелина. Покријте ги со проѕирна фолија, а потоа измавајте ги со чекан за месо. Немојте премногу да ги истенчите. Зачинете го месото со сол и бибер, а потоа посипете го со брашно.
Во тава сипете масло и кога ќе се загрее додадете го месото и пропржете од двете страни. Треба да добие златна боја.
Извадете го месото во чинија, а потоа во истата тава додадете ситно сечкан шалот и изрендан лук. Потоа истурете го белото вино, па варете додека течноста малку не се намали, а потоа истурете го булјонот. Кога сосот ќе почне да врие, додадете го сенфот и промешајте. Зачинете со сол и бибер, а потоа додадете сечкан магдонос, власец и естрагон. Сè добро измешајте и додадете путер, па варете додека не се растопи. Послужете го месото со пире од компири и прелијте го со сосот.
