Скопје, 11 септември 2019 (МИА) – Вчера во Полициската станица станица Гази Баба била приведена Д.С.(50) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“.
Полициски службеници од Единицата за недозволена трговија при СВР Скопје во периодот од 22:30 до 23:30 часот, врз основа на судска наредба, извршиле претрес во домот на пријавената во населбата Ќерамидница, при што пронашле и одзеле прашкаста материја.
Скопската полиција вчера нашла дрога во уште четири други наврати:
Полициски службеници од СВР Скопје, вчера во 23:00 часот на булевар „Видое Смилевски Бато“, го привеле М.С.(23) од Скопје, затоа што при извршен преглед кај него била пронајдена марихуана.
Вчера во 20:30 часот полициски службеници од СВР Скопје, на улица „Ѓорче Петров“, го привеле Е.С.(44) од Скопје, затоа што при извршен преглед кај него била пронајдена марихуана.
Вчера во 16:30 часот полициски службеници од СВР Скопје, на улица „Сава Михајлов“, го привеле А.Д.(18) од Скопје, затоа што при извршен преглед кај него била пронајдена марихуана.
Полициски службеници од СВР Скопје вчера во 18:30 часот на булевар „Борис Трајковски“, ги лишиле од слобода Ф.Л.(35) од Куманово и Г.К.(32) од Скопје, затоа што при извршен преглед кај нив била пронајдена марихуана.
По документирање на случаите, против сите приведени ќе бидат поднесени соодветни поднесоци.