Астрономи открија радиосигнал чие потекло е тешко да се објасни. Една од хипотезите е дека го емитува нов ѕвезден систем, сметаат британски научници.
Меѓународен тим истражувачи откри радиосигнал кој е емитуван од небесно тело кое е оддалечено 1.800 светлосни години од Земјата. Набљудувањето е направено со помош на телескопот MeerKAT, во пустина во Јужна Африка.
Необичниот сигнал е создаден од две ѕвезди кои се вртат една околу друга. Меѓутоа, ова откритие ги збуни научниците кои заклучиле дека изворот на сигналот се поклопува со положбата на ѕвезда наречена TIC 8332-2529-1. Оваа ѕвезда е релативно светла, а во минатото е забележана од различни оптички телескопи.
Анализата на оптичкиот спектар откри дека ѕвездата има магнетно поле и дека орбитира околу друга ѕвезда на секој 21 ден. Трагите од оваа втора ѕвезда се многу нејасни, па научниците забележале дека е веројатно многу послаба од џиновската ѕвезда. Меѓутоа, откриле дека нејзината маса е веројатно поголема најмалку 1,5 пати од Сончевата маса.
Тоа значи дека е преголема за оваа ѕвезда да биде џуџеста.
„Значи, веројатноста е мала дека станува збор за таква ѕвезда“, стои во извештајот на авторите.
Радиосигналот може да биде предизвикан од магнетната активност на џиновската ѕвезда, слична на соларна бура, но многу посветла и поенергична. Ваквите ерупции обично се забележуваат во џуџести ѕвезди, но не и во џиновски.
Се претпоставува дека сигналот потекнува од ѕвезден систем формиран од џиновска ѕвезда и нејзина ѕвезда што ја следи.
„Можеби е некој вид егзотичен систем каков досега немаме видено, вклучително и огромната ѕвезда која орбитира со неутронска ѕвезда или црна дупка“, истакнува Лора Никол Дрејзен.
Научниците ќе продолжат да го следат изворот на сигналот и џиновската ѕвезда и во наредните 4 години за да ги потврдат нивните претпоставки.