Чарлс Оливиера стана нов шампион во лесна категорија по УФЦ настанот 262 што се одржа во преполната Toyota Center Arena во Хјустон, прв по повлекувањето на Хабиб Нурмагомедов кој го остави престолот празен.
Во почетните моменти од втората рунда Оливиера успеа да го победи Мајкл Чендлер со технички нокаут, со што го оствари деветтиот триумф во низа.
Врвната борба започна со борба на нога, при што двајцата ја бараа вистинската далечина уште во првата минута, а потоа посериозно погодуваше Чендлер. Особено беше ефикасен со десното кроше со кое му создаваше проблеми на Бразилецот. Чендлер удри уште неколкупати, но Оливиера, иако зашеметен, успеа да се извлече.
Сепак, следуваше неверојатен пресврт во втората рунда. По размената на удари, Чендлер го извлече „подебелиот крај“ бидејќи по само седум секунди Оливеира со лево кроше по брада успеа да го падне Чендлер на земја.
Следуваше серија удари на Оливеира, а судијата брзо сфати дека е готово и ја прекина борбата.
Бразилецот во солзи го прифати појасот и со оваа победа го наследи пензионираниот Дагестанец.
