Во Лос Анџелес вчера беа објавени номинациите за Златен глобус, а доделувањето на филмските награди е закажано за 5 јануари 2020 година.
Со дури 17 номинации меѓу филмските продуценти во предност е Netflix, а потоа следат Sony Pictures со 8, Disney и Warner Bros. со по 6 номинации.
И меѓу телевизиските продуценти доминира Netflix со 17 номинации, што значи дека вкупно се 34 номинации. Потоа следат HBO со 15 номинации, а Hulu и Prime Video со по 5 номинации.
Најмногу номинации меѓу играните филмови има „Marriage Story“ на Netflix и тоа е номиниран во шест категории. Филмот „The Irishman“ на Мартин Скорсезе има 5 номинации, исто како и „Once Upon a Time in Hollywood“ на Квентин Тарантино.
Филмовите „Joker“ на режисерот Тод Филипс и „The Two Popes“ на Фернандо Меирелес освоија по 4 номинации.
Меѓу телевизиските серии ситуацијата е поизедначена, „Chernobyl“ (HBO), Crown (Netflix) „Unbelievable“ на Netflix се најдоа на врвот на листата, со по четири номинации.
Целосната листа може да ја погледнете овде.