Во последно време во мода се необичните имиња. Баш поради тоа, некои држави определените имиња ги забранија со закон.
За кои имиња станува збор?
Во Франција, родителите не можат да дадат име Нутела, Јагода, Принц Вилијам. Судот може да забрани да се даде такво име на бебето, затоа што тоа ќе биде предмет на потсмев.
И во Швајцарија правилата се слични, па затоа имињата Јуда, Шанел, Париз, се најстрого забранети.
Исто како и во Франција, судот може да забрани некое име доколку смета дека така е правилно. Исто така, забрането е да се дава машко име на девојче или обратно, име на бренд или име на град.
Во Данска постои листа со 7.000 одобрени имиња, а доколку родителите сакаат да дадат некое поинакво име, тогаш мора да побараат дозвола од надлежните органи.
Хансе, Јохансе, Ларсен, Олсен се некои од имињата кои се забранети во Норвешка. Во оваа скандинавска земја е забрането презимето да биде лично име.
Германија ги забрани имињата кои се неутрални, односно кои можат да се користат како женски или машки имиња. Тејлор, Ешли, Морган и Џордан се имињата кои се забранети во Германија. На листата исто така се наоѓа и Осама Бин Ладен.
Супермен, Икеа, Металика се забранети во Шведска и се осудени како неприфатливи.
Мексико ги забрани имињата Фејсбук, Рамбо, Бетмен, Хермиона, бидејќи тамошните власти сметаат дека овие имиња немаат никакво значење.
Нирвана, Ријана, Џими се забранетите имиња во Португлија. Родителите во оваа земја мора да даваат традиционални португалски имиња. Исто така, забрането е прекарот да биде име.
Во Македонија не постојат законски забрани за имињата на децата и затоа на новороденчињата тука може да им биде дадено било кое име.
