Актерката Ен Хатавеј помина низ неверојатна трансформација за потребите на филмот „The Witches“ во кој глуми вештерка.
Хатавеј сподели тизер на Instagram од снимањето на римејкот, во кој покажа дека освен што може да игра убавица, може да се трансформира и во навистина страшна вештерка.
Филмот „The Witches“ се очекува да има премиера на 22 октомври на HBO Max.
Во тизерот, Хатавеј заедно со колешките од филмот Октавија Спенсер, Стенли Тучи и Џазир Бруно, објаснуваат како „навистина“ изгледаат вештерките: немаат дланки, туку клешти, па затоа носат високи ракавици; имаат исклучително широки ноздри; сите носат перики бидејќи немаат коса; имаат многу широки усти што им се отвораат до уши и немаат ножни прсти.
Хатавеј го игра ликот на Врховната вештерка, според класикот на Роалд Дал од 1983 година.
Овој филм е римејк на истоимената црна комедија од 1990 година во режија на Николас Рег, во кој играа Анжелика Хјустон, Роуан Аткинсон, Маи Цетерлинг, Бил Патерсон и многу други.
Целиот трејлер за филмот погледнете го во продолжение:
