Џејсон Бигс повторно позираше на црвениот тепих со колешката Шенон Елизабет од тинејџерскиот хит филм „American Pie“ од 1999 година.
Нешто повеќе од 20 години откако се прославија со улогите во популарниот филм, двајцата актери синоќа се појавија и заедно позираа на црвениот тепих на премиерата на „Jay and Silent Bob Reboot“ во Лос Анџелес.
Се чини дека за 46-годишната Шенон Елизабет запрело времето – таа изгледа подеднакво прекрасно како пред 20 години.
Нејзиниот лик Надја стана феномен во поп-културата како фантазија на секој тинејџер низ светот.
„American Pie“ заработи 102,5 милиони долари во САД и 235,4 милиони долари на киноблагајните ширум светот, а беше снимен со само 11 милиони долари и релативно непозната актерска екипа, со исклучок на Мена Сувари.
