УФЦ борачот Нејт Дијаз нема да се бори на 2 ноември во Њујорк против Хорхе Масвидал на една од најочекуваните борби во 2019 година, бидејќи падна на допинг тестот.
Информацијата ја потврди Дијаз кој истакна дека бил позитивен на некои супстанци, но дека станува збор за лажни обвинувања и дека нема да се врати во рингот додека не биде исправена оваа грешка.
„Нема да дојдам во Њујорк бидејќи излегов позитивен на некои супстанци што може да биде предизвикано од контаминирани суплементи. Тоа се лажни обвинувања за допинг и нема да се борам додека УФЦ или кој и да е што се зае*ава со мене не ја исправи грешката“, рече Дијаз.
Потоа Дијаз нагласи дека парите не го интересираат, туку само достоинството.
„Ми предложија да скријам сѐ, ама нема бидејќи не сум како оние кои мамат и молчат додека не заврши борбата за да им ги исплатат парите. Многу ми е гајле за парите, не се над моето достоинство и мојата оставнина. Не сакам да бидам дел од ова сра*е“, рече Дијаз.
Масвидал и Дијаз требаше да се борат за појасот BMF (Biggest Motherfucker).
