Недоволната физичка активност е глобален проблем кој според истражувањето на Светската здравствена организација има сериозни последици за човековото здравје. Според нивните податоци, физичката неактивност е сè почеста појава, а особено кај адолесцентите.
Истражувањата покажуваат дека децата се помалку физички активни и дека слободното време го поминуваат пред телевизор или компјутер.
Недоволната физичка активност кај децата може да има здравствени последици во подоцнежниот живот, но и на правилниот раст и развој на телото.
Последните истражувања покажаа дека два милиони смртни случаи во светот се последица на недоволна физичка активност.
Недоволната физичка активност е последица на урбанизацијата, често користење на јавниот превоз, работа во затворен простор.
Заради урбанизацијата има сè помалку зелени површини и паркови.
Редовната физичка активност е една од клучните фактори за превенција и лечење на кардиоваскуларни заболувања, мозочен удар, дијабетес, рак на дојка и рак на дебело црево.
Исто така, физичката активност помага во превенција на хипертензија, прекумерна тежина и подобро ментално здравје.
Триесет минути дневно се доволни за да го подобрите вашето физичко и ментално здравје.