Ислам Махачев е новиот шампион на УФЦ во лесна категорија, откако синоќа во втората рунда го принуди Чарлс Оливеира да се потчини.
ММА борачот кој со право го нарекуваат наследник на Хабиб Нурмагомедов, доминираше од почетокот на борбата и откако со десно кроше го собори Бразилецот, го „задуши“ во партерот.
За 31-годишниот борач од Дагестан ова е 23. победа во кариерата, а единствениот пораз го имаше пред седум години од Адријан Мартинс. Исто така, треба да се каже дека ова е негова 11-та последователна победа.
Треба да се спомне и дека Махачев пред две години го презеде престолот што го држеше неговиот голем пријател, денес еден од главните советници – Хабиб - а двајцата беа тренирани од големиот Абдулманап Нурмагомедов, таткото на Хабиб кој најави дека Махачев ќе биде шампион кога Хабиб ќе се пензионира.
Од друга страна, за Оливера ова беше деветти пораз во кариерата, а покрај тоа има и 33 победи.
