Авто новости

Најцрната црна – боја која прави автомобилот да изгледа дводимензионално

3. септември 2019 - 13:35 | А.С.

BMW на Автосаемот во Франкфурт (12-22 септември) ќе го изложи моделот X6 обоен во „најцрната нијанса на црно што постои во светот“.

Бојата што го доби името Vantablack беше направена во компанијата Surrey NanoSystems во 2014 година и производителот тврди дека таа апсорбира дури 99,965% од светлината што ја прима, па така предметите обоени со ова нијанса за човечкото око делуваат дводимензионално.

BMW X6 е покриен со слој карбонски наноцевки што се толку ситни што во еден квадратен сантиметар има околу милијарда.

За овој уникатно обоен BMW X6 била употребена варијантата VBX2 на бојата Vantablack, што првенствено била направена за научни и архитектонски цели, а за прва пат беше употребена за автомобил.

VBX2 за разлика од оригиналната Vantablack сепак овозможува да се рефлектира 1% од светлината, па оној кој го гледа автомобилот сепак може да ја погоди неговата форма.