Семејството Волтон, сопственици на најпознатиот малопродажен синџир Walmart, располага со над 190 милијарди долари. По направена анализа на Bloomberg, за еден час ова семејство заработува дури 4,2 милиони долари или 70.000 долари во минута. Утре ќе бидат побогати за 100 милиони долари.
Тоа се 39 милијарди повеќе отколку во јуни минатата година. Најбогат меѓу членовите на семејството е Џим Волтон, чие богатство се проценува на 48,8 милијарди долари. По него е неговиот брат Роб со богатство проценето на 48,8 милијарди долари, додека нивната сестра Елис има 48 милијарди долари.
Лукас Волтон, синот на третиот брат Џон, починат во 2015 година, располага со богатство од 16,7 милијарди долари.
Ен Волтон и Ненси Волтон Лори, ќерките на соосновачот на Walmart Бад Волтон, имаат по 6 милијарди долари. Исто толку тежи и Кристи Волтон, вдовицата на Џон Волтон.
