Останати спортови

Македонските каратисти со медал се вратија од СП во Чиле

29. октомври 2019 - 8:32 | МИА

Скопје, 29 октомври 2019 (МИА) – Македонскиот каратист Бојан Костов го освои третото место и бронзениот медал на 11-тото Светско првенство во карате за кадети, јуниори и постари јуниори, кое се одржа од 23 до 27 октомври во Чиле.

Костов во категоријaта до 52 кг повторно до медал дојде по победите над натпреварувачи од Романија, Србија, Мароко, Индонезија и Русија. Единствено во полуфиналето беше 0:0, но по судиското изјаснување подобар беше противникот од Јордан, кој освои златен медал.

Висок пласман оствари и нашиот најдобар млад натпреварувач во кати Александар Неделковски, кој се бореше за медал и заврши како 5-ти.

Во конкуренција на помлади сениорски (У21) Ангела Мојсовска во категоријата до 68 кг исто така го освои петтото место.

Вероника Костовска победи во првите три рунди, по што загуби од Русинката Ана Родина со 7:1 која не уепеа да влезе во финалето, а со тоа Костовска не доби шанса да учествува во репасаж во борба за медалите.

Другите македонски каратисти имаа симболичен настап.