Следете ги овие совети за правилно да ја чувате храната во фрижидер, во случај ако снема струја.
Најважно е како ќе ја спакувате храната во фрижидер и замрзнувач. Намирниците кои брзо можат да се расипат како јајца и млеко не треба да ги чувате во вратата бидејќи е поголема веројатноста температурата да варира отколку ако ги ставите на полиците, каде е изедначена, пишува Reder's Digest.
Температурата на фрижидерот би требало да биде 4 степени Целзиусови и пониско, а замрзнувачот 0 и пониско, за храната добро да се чува.
Потоа, направете резерви од мраз или замрзнати шишиња со вода кои може да ги ставите во фрижидер неколку часа од немањето струја, што овозможува фрижидерот подолго да лади. Исто така, важно е фрижидерот да биде затворен, односно што помалку да го отворате па добро е при рака да имате и конзервирана храна, тестенини, грав и слично.
Колку долго храната може да стои?
Зависи од тоа колку е полн фрижидерот. Ако има многу замрзнати намирници температурата подобро ќе се регулира и помала е веројатноста да се стопат. Од прилика 48 часа во полн фрижидер без струја и 24 часа во полуполн.
Исто така, зависи и од видот на храна. Така, јајцата и млекото ако се на висока температура подолго од два часа ќе почнат да се расипуваат. Сировото месо мора да биде добро завиткано, особено во замрзнувач, за да се спречи истекување во текот на одмрзнувањето.
Кашкавалот не би требало брзо да се расипе, додека меките сирења како моцарела, рикота или крем сирење сер подложни на побрзо расипување.
Што се однесува до овошјето и зеленчукот, ако не е исечкано, како и храната со висок процент на киселина како сосови, кисели краставици и џемови, може да издржи повисоки температури.
Ако нема струја подолго од 4 часа намирници за кои се препорачува да се фрлат се месо, риба, јајца и некои видови сирење. Секако, прво проверете ја состојбата на храната и ако нешто ви е сомнително, подобро е да го фрлите.
