Додека шефовите на компанијата сѐ уште размислуваат за воведување на наплата за услугата за пребарување со вештачка интелигенција (ВИ), инженерите на Google веќе напорно работат за да ја развијат технологијата неопходна за нејзино воведување.
Google сериозно размислува да воведе трошоци за нови премиум функции за интернет пребарувања овозможени од генеративна вештачка интелигенција.
Ова би можело да биде најголемата промена во бизнисот на американскиот интернет гигант, бидејќи е прв пат од основањето на компанијата во 1998 година да ќе почне да наплатува за користењето на своите услуги.
Со ова Google, исто така, за прв пат би го променил својот главен бизнис модел врз основа на приходите од реклами, пишува Financial Times, кој ја објави информацијата за плаќањето повикувајќи се на три извори запознаени со ситуацијата во компанијата.
Сепак, тоа не значи многу за „редовните“ корисници, бидејќи основниот пребарувач на Google ќе остане бесплатен за сите корисници.
И додека челниците на компанијата сѐ уште размислуваат за воведување на наплата на оваа услуга, инженерите на Google веќе сериозно работат на развој на технологијата неопходна за нејзино воведување.
Менаџментот на компанијата се двоуми во овој случај, бидејќи стравува дека воведувањето на врвна технологија за вештачка интелигенција би можело да го загрози нејзиниот главен приход од рекламирање, забележува Financial Times.
Во 2023 година, Google заработи 175 милијарди долари само од пребарувањето и поврзаните реклами, огромна сума што сочинуваше повеќе од половина од вкупниот приход од минатата година.
