Целта е да се намали сообраќајниот метеж.
На семафорите црвеното значи „стоп“, жолтото „внимавај“, а зеленото „оди“. Сообраќајните инженери на Државниот универзитет во Северна Каролина сега предлагаат бело светло, кое ќе им овозможи на автономните возила да го подобрат протокот на сообраќај, а исто така да им даде до знаење на возачите што се случува.
Во компјутерските симулации, новиот пристап значително го подобрува времето на патување низ раскрсниците и ја намалува потрошувачката на гориво. Црвените светла пак ќе значат „стоп“. Зелените светла пак ќе значат „оди“, а белите светла ќе им „кажат“ на возачите едноставно да го следат автономниот автомобил пред нив.
Концептот на бело светло се заснова на фактот дека е можно автономните возила да комуницираат безжично меѓу себе и со компјутерот што ги контролира сообраќајните сигнали. Кога до раскрсницата ќе се приближат доволно автономни возила, би се вклучило бело светло.
Во ова сценарио, семафорот би функционирал нормално кога процентот на самоуправувачки автомобили на раскрсницата е низок, но кога тој број се зголемува, белото светло ќе им сигнализира на возачите (луѓето) дека автономните возила го презеле системот и треба само да го следат автомобилот пред нив.
Авторите на оваа идеја велат дека светлото не мора да биде бело и може да биде било која боја (што не се користи на веќе постоечките семафори).
Научниците го тестираа овој систем користејќи сообраќајни симулатори. Во случај на раскрсница со „бела фаза“, метежот беше намален за 3 проценти кога имаше само 10 проценти автономни возила, но тој број процент на 10,7 кога имаше 30 проценти автономни возила.
Авторите на студијата тврдат дека некои краткорочни пилот програми за бело светло би можеле да започнат во контролирани средини, како што се пристаништата, каде комерцијалните возила, кои се со поголема веројатност да бидат автономни, би можеле да патуваат брзо и ефикасно.
