Авто новости

Како да го заштитите автомобилот од кражба?

6. ноември 2019 - 18:00 | А.С.

Ако сте сопственик на возило, една од поголемите грижи ви е неговата безбедност.

Во денешно време многу автомобили не се осигурани бидејќи сопствениците не можат финансиски да си го дозволат тој „луксуз“, а и ретко што може секој од нас како поединец да направи против автомобилската мафија што „царува“ на Балканот.

Една од опциите за да го заштитите вашиот автомобил од штета или кражба е секако, осигурано гаражно место, нешто што станува сѐ поголем луксуз во главниот град, каде има сѐ помалку гаражен простор, а цените растат вртоглаво.

Сепак, купувањето или изнајмувањето гаража е сепак поевтино од кражбата на автомобил вреден илјадници евра.

Тука се и речиси неизбежните аларми кои ги има во безброј форми и со најразлични цени што се движат од 100 па до неколку илјади евра.

Алармот барем ќе ве спаси од „ситни кражби“ во кои најчесто би останале без радио или нешто оставено на седиштата, а штетата во најголе број случаи е скршено стакло на вратите.

Третиот облик на заштита на возилото е механичка блокада – заклучување на воланот, хаубата, педалите и менувачот.

Сите овие форми на заштита не се 100% непробојни, но барем во поголемиот број случаи ќе го обесхрабрат крадецот бидејќи ќе му биде потребно повеќе време да го обие или украде вашето возило во споредба со оние кои не се заштитени.

Секако, не треба да се заборава и дека треба да одбегнувате да го паркирате автомобилот во мрачни, неосветлени и/или зафрлени паркинг места и улички.

Што можете да направите?

*Возилото секогаш треба да ви биде заклучено, дури и додека возите.

*Кога сте паркирани, никогаш не ги оставајте клучевите во автомобилот. Затворете ги сите прозорци и панорамското стакло, ако имате.

*Никогаш не го оставајте автомобилот со вклучен мотор и без надзор.

*Одвикнете се да оставате видно вредни предмети на седиштата во автомобилот (ранец или торба за лаптоп или фотоапарат, актовка).

*Будно внимавајте на своето опкружување, особено во гаражи, на паркинзи и на бензински станици или стојалишта на пат.

*Кога го паркирате автомобилот ставете го во брзина, со тркалата свртени кон тротоарот или некоја друга препрека. Тоа го отежнува обидот за „шлепање“ на возилото

*Ако го фатите крадецот среде кражба на вашиот автомобил или ви пријде кога излегувате во возилото или излегувате од него, не пружајте отпор. Вашиот живот е повреден од автомобилот.

Што треба да знаете?

*Повеќето кражби на автомобили ги вршат „професионалци“.

*На мета најчесто се помалку егзотични модели, односно популарни модели чии делови се лесно заменливи и полесно може да се продадат веднаш.

*Поголемиот дел од украдените автомобили завршуваат на расклопување и се продаваат на делови. Кога купувате половен автодел од неовластен продавач, голема е веројатноста делот да е од украден автомобил.

*Автомоблската мафија делува на меѓународно ниво, крадците најчесто се ангажирани да делуваат по нарачка.

*Еден од „методите“ за кражба е намерно предизвикување помала сообраќајна незгода, кога најчесто излегувате од возилото во паника, ги оставате клучевите внатре, а крадецот влегува и заминува со вашиот автомобил, а зад себе го остава „неговото“ евтино, нерегистрирано возило

*Бидете внимателни и кога стоите на семафор и секогаш оставајте доволно простор за маневрирање и одбегнување други возила.

*Секој случај на обивање или кражба на автомобил пријавете го во полиција.