Оние сопственици на постари компјутери кои успеале да ги надминат хардверските ограничувања на Windows 11 на нивните системи може да се најдат во неволја со следното големо ажурирање.
Microsoft би можел да спречи следното големо ажурирање на Windows 11 (исто така познато како 24H2) да работи на постари компјутери со послаби конфигурации. Ова се должи на новооткриеното барање за POPCNT инструкции, кои многу постари процесори (CPU) не го поддржуваат.
POPCNT (односно Popcount) е процесорска инструкција што се користи за броење на поставените битови во некоја вредност. Се користи во криптографијата и со децении се користи во процесорите.
Intel започна со имплементација на POPCNT во 2008 година со процесори базирани на Nehalem архитектурата, а AMD со воведувањето на Barcelona архитектурата во 2007 година. Ако вашиот компјутер користи процесор произведен порано од тоа, постои можност повеќе да не можете да добивате ажурирања за Windows 11.
Сепак, бидејќи Microsoft веќе ја ограничи самата инсталација на Windows 11 на релативно модерни процесори (на пример, кај Intel, од 8. генерација процесори и понови), оваа одлука потенцијално нема да влијае на поголем број корисници.
Сепак, оние сопственици на постари компјутери кои успеале да ги надминат хардверските ограничувања на Windows 11 на нивните системи, може да се најдат во неволја со следното големо ажурирање.
Сè уште не е јасно дали оваа промена е намерна или случаен резултат на додавање на нови инструкции на процесорот за време на процесот на развој. Слично се случи и со Windows 10, кој исто така имаше проблеми со компатибилноста со постарите процесори.
Сè уште нема официјални коментари од Microsoft за оваа ситуација, која (на некој начин) го поткопува зголемениот фокус на компанијата на построги хардверски барања за нивните оперативни системи.
Microsoft моментално ја финализира верзијата 24H2 на надградбата на Windows 11 наменета за производителите, која треба да биде објавена во април.
