Од ГРОМ информираат дека нема да учествуваат во работната група за уставните измени по редовната седница на извршниот одбор, одржана на 10.04.2023 година, на која била разгледана поканата од Министерството за правда за учеството во работната група за уставните измени.
„По опсежната дискусија, во која учествуваа речиси сите членови на извршниот одбор, ставот на ГРОМ е да не учествува во работата на оваа група затоа што нема потреба од уставни промени. Овој став произлегува од корелацијата меѓу македонскиот и бугарскиот устав, каде што македонското национално малцинство нема никакви права загарантирани со Уставот. Ако за над 200.000 Македонци во Бугарија нема место во нивниот Устав, зошто би требало да има место во македонскиот Устав за само 3.400 самоспознаени Бугари“, велат од оваа партија.
Додаваат дека неучеството во работната група и отфрлањето на потребата од промена на Уставот поради лечење на фрустрациите на минорна бугарска група во Македонија е единствен логичен заклучок.
„Народ што не ни ги признава јазикот и нацијата нема ниту морално право да бара асиметричност во нашиот устав зашто, да потсетиме, на Македонците во Бугарија не им е дозволено ниту здружение да имаат иако посебноста на македонскиот народ е потврдена со 17 меѓународни пресуди.
