Фотосторија: Заврши Октоберфест 2019, се испи помалку пиво од лани

Денеска заврши минхенскиот Октоберфест, најголемиот светски фестивал на пиво, чии посетители испија повеќе од 7 милиони литри пиво.

Според организаторите, двонеделниот Октоберфест годинава го посетија околу 6,3 милиони луѓе и продадени се околу 7,3 милиони еднолитарски пива, што е за 200.000 литри помалку од претходната година.

Посетителите исто така изеле 129 волови и 29 телиња.

Годинава имало и помалку лекарски интервенции поврзани со алкохол, односно третирани се 600 интоксикации, 120 помалку од претходната година.

Сепак, годинава е регистриран рекорд во возење во пијана состојба: 774 пијани возачи од кои 414 биле на електрични скутери.