Ноќеска на паркетот во НБА се одиграа само два натпревара, а кошаркарите на Мајами Хит на свој терен го совладаа Далас Маверикс со 129:122.
Мајами е многу блиску до пласман во плеј-офот на Источната конференција, додека Далас со скор 37-41 е сѐ подалеку од последната позиција која води во плеј-офот на Западот.
Џими Батлер постигна 35 поени со 12 асистенции, Коди Зелер додаде 20 поени, а Мајами ја прекина серијата од три порази.
Лука Дончиќ натпреварот го заврши со 42 поена, 10 скока и 8 асистенции, Тим Хардавеј Џуниор постигна 31 поен, а Кајри Ирвинг додаде 23 поени и 8 асистенции за Маверикс.
Брендон Инграм постигна 36 поени и со серија одлични потези ги крена навивачите на нозе, а Њу Орлеанс Пеликанс го победи Лос Анџелес Клиперс со 122:114.
Јонас Валанчиунас додаде 23 поени и 12 скока за домаќините, кои победија по седми пат во последните осум натпревари за шестото место во Западната конференција.
Клиперс го претрпеа вториот пораз по ред и покрај тоа што Каваи Ленард постигна 40 поени, а Расел Вестбрук 24 поени со 9 асистенции.
Табела:
