На овогодинешното издание на Consumer Electronics Show, компанијата Harley-Davidson промовираше два нови концепти, од кои оној за електричен скутер ги доби најпозитивните реакции од публиката.
Изгледа дека Harley-Davidson има намера целосно да ја електрифицира својата производна линија и нема намера да застане кај урбаните мотоцикли, туку ќе ја прошири понудата со теренски мотоцикли и скутери.
Електричниот мотоцикл LiveWire веќе ги сврте погледите на пазарот кон најпознатиот светски производител, Harley Davidson, но тукушто промовираниот електричен скутер е она што навистина го одзема здивот на сите љубители на иновации, мотоцикли, па и обични луѓе со почит за светските трендови.
Концептот изгледаше убаво на фотографиите и рендерите, но компанијата реши да испрати неколку функционални прототипови во Аспен, каде се одржуваат Зимските екстремни спортови (X Games), каде фановите на адреналин можеа да ги тестираат новите производи на Harley-Davidson.
Електричниот скутер, за разлика од урбаниот мотоцикл LiveWire, ќе биде многу подостапен и со многу помала цена. Засега не е позната конкретната цена на овој атрактивен мал скутер, но сигурно ќе биде помала од 30.000 долари – цената на LiveWire.