Два милиони километри, екстремни временски услови и посветеност на секој детаљ беа потребни за Rolls-Royce да вклучи електричен модел во својата понуда.
Развојот на Spectre продолжува, а Rolls-Royce објави нов сет на фотографии од тестовите во Јужна Африка, каде беа извозени пробни километри од западниот до источниот брег, вклучувајќи патека со чакал.
Во исто време, фокусот повеќе не е на перформансите во возењето, бидејќи таа работа беше изведена на два милиони тест километри на екстремен студ, но и топлина. Остануваат уште околу половина милион километри до крајот на тестирањето.
Наместо тоа, производителот сега се фокусира на оптимизирање на поставките за контраст на екранот на различни агли на инциденца и интензитет на сончевите зраци. Дополнително, повторно беше тестиран веќе оптимизираниот аудио систем со 17 звучници, а тест-возачите мораа да слушаат однапред подготвена колекција песни.
Бидејќи Rolls-Royce не остава ништо на случајноста, логично е дека при развојот на новиот модел ќе се земат предвид деталите и сите ќе бидат тестирани во пракса.
Можеби најдобриот пример е дека дури 1.500 тест часови биле потрошени за оптимизирање на системот за регенеративно сопирање, додека целата тест програма симулира 400 години користење, истакнуваат од компанијата.
Rolls-Royce овде можеби претерува, но не претерува кога се во прашање информациите за погонската група, со оглед на тоа што претходно беше најавено дека автомобилот ќе има 585 КС максимална моќност и 520 километри автономија.
Цената уште не е позната, а првите испораки на електричниот модел Spectre се очекуваат кон крајот на оваа година.
