Драмски театар со нова премиера - „Чудесна терапија“

Скопје, 12 септември 2019 (МИА) – Драмски театар-Скопје во сабота од 20 часот на малата сцена премиерно ќе ја изведе камерната претстава „Чудесна терапија“ по текст на австрискиот автор Даниел Глатауер и во режија на Димче Николовски.

Осумдесетминутната претстава со тројца актери (Соња Стамболџиоска во ликот на психотерапевт и Маја Вељковиќ-Пановска и Предраг Павловски – во улога на брачна двојка) раскажува за многу нарушена комуникација и недоразбирање меѓу маж и жена. Тие одат на брачно советување – терапија која добива чудесни размери.

Режисерот Николовски на прес-конференција денеска рече дека процесот на подготовка бил долг и напорен и е задоволен од крајниот резултат и од соработката со екипата.

-Тоа е претстава за комуникацијата, поточно за недостигот на комуникација меѓу луѓето. Тој проблем е корен на многу војни, вистински војни, а денес тој проблем многу нè допира со напредната технологија и оддалечувањето на луѓето. Претставата се занимава со потребата од чиста и искрена комуникација како предуслов за една среќна врска…, рече Николовски.

Драматургот Александра Бошковска дополни дека претставата се занимава и со психотерапијата т.е. советувањето на паровите – колку е тоа автентично, а колку е само игра и манипулација. Жанровски претставата е блиску до комедија.

-Се занимава со сериозни проблеми, а кога на сериозни проблеми луѓето реагираат вообичаено глупаво, комичниот ефект е неминовен, иако ние не инсистиравме да биде комедија, рече Бошковска.

Авторот на текстот, Даниел Глатауер (1960), е австриски писател и поранешен новинар, најпознат по епистоларниот роман „Виртуелна љубов“. Книжевните дела му се преведени на 40-ина јазици, а некои од нив се адаптирани за театар и за радио и ТВ-драми и надвор од германското јазично подрачје.

Претставата „Чудесна терапија“ во целост е подготвена со средства донирани од приватно лице.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Едноставен и брз метод: Белите патики повторно ќе изгледаат како нови

Read more

Се степале вработени во болница во Карпош

Read more

Култура

Госпоѓиците од Авињон на сцената на Националната опера и балет

Read more

Коле Ангеловски: Театрите се распаѓаат, а ние финансираме фестивали во други држави

Read more

Ива Петреска ја промовира дебитантската стихозбирка „Песнило“

Read more
26 март 1901, роден е македонскиот сликар Лазар Личеноски

26 март 1901, роден е македонскиот сликар Лазар Личеноски

Read more
 

Вести

  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе