Калчолигашот и тимот од Островот ги договориле условите за трансфер за Стефано Сенси, пренесува Sky Sport Italia.
Трансфер експертот од Sky Sport Italia, Џанлука Ди Марцио, тврди дека Интер и Лестер Сити постигнале договор за трансфер на Стефано Сенси во редовите на лидерот во Чемпионшип.
Според пренесеното, Лестер се согласил да му плати на Интер 2 милиона евра за трансферот да се реализира во јануарскиов преоден рок. Играчот има договор со Интер до јуни годинава и на лето можеше беспари да замине во Лестер, но на „Лисиците“ им е потребен веднаш бидејќи бркаат експресен камбек во Премиерлигата.
Но, трансферот не може да се реализира веднаш и покрај тоа што сѐ е договорено. Причината е тоа што Лестер прво мора да продаде некој играч за да може да донесе друг.
Сенси доаѓа во Лестер на барање на својот сонародник Енцо Мареска, кој успешно ги води „Лисиците“ откако седна на клупата летоска, откако тимот испадна од Премиер лигата.
28-годшниот Сенси е склон кон повреди, често отсутвуваше и подолги периоди. Иако е член на Интер од летото 2019, вкупно одигра само 56 натпревари на кои постигна 4 гола. Во меѓувреме двапати беше праќан на позјамици, преклани една полусезона во Сампдорија, а лани целата ја мина во Монца каде одигра солидни 28 натпревари во Серија А. Сезо0нава за „Нераѕурите“ запиша само 4 настапи, од кои 3 во Серија А и еден во Копа Италија.
По 27 кола во англиската втора лига Лестер е лидер со 65 бодови и е на добнар пат пшо само една сезонма да се врати во Премиерлигата. Има 7 бодови предност пред вториот Ипсвич Таун, а 10 пред третопласираниот Саутемптон.